01 Acordes:

Letra:Uxía.

Música:guadi galego.

Arranxo:Germán Díaz.

Nada me fai voar como a túa voz,
onde resoa o mar e e a lúa pousou
eu son area que a onda bicará
vestinme de azas brancas e vivo alá.

Rosa, roseira brava non chores máis
non hai mal que nos poida afogar
nunca choveu que non escampara e vai
a nosa nave para ultramar.

Nas túas mans habita o meu corazón,
e no meu desafogo oio un cantar.
Onde doen as bágoas dos meus avós,
a “negra sombra” xa non me cegará.

Rosa, roseira brava …

E na beira da nada déixome ir,
só fica unha crenza para non fuxir,
a alma libre non sabe de aniñar,
a alma libre voa para sandar.

Rosa, roseira brava non chores máis
unha alborada hei-che cantar
nunca choveu que non escampara e vai
a nosa nave para ultramar.

Os meus labios desfían un alalá,
o mar non ten cancelas, vou navegar.
Conto de catro a catro e non canto máis,
o setestrelo sempre me ha de guiar.

Rosa, roseira brava…

a Mariña Maseda Sanjosé.

Guadi Galego: voz

Germán Díaz: zanfonas,caixa de música.

Pablo Pascual: Clarinete baixo,Clarinete Contrabaixo.